ಹೊಸಬೆಟ್ಟು ಕಡಲ ತೀರದಲ್ಲಿ ಮುಂಜಾನೆಯ ಕಾರ್ಯಕ್ರಮ!
ಹೊಸಬೆಟ್ಟು ಕಡಲ ತೀರದಲ್ಲಿ ಮುಂಜಾನೆಯ ಕಾರ್ಯಕ್ರಮ! ಕರ್ನಾಟಕದ ಪಶ್ಚಿಮ ಭಾಗವು ತನ್ನ ಕರಾವಳಿ ತೀರಕ್ಕೆ ಖ್ಯಾತಿ. ಆದ್ದರಿಂದ ಪಶ್ಚಿಮ ಕರ್ನಾಟಕ ಎಂದು ಕರೆಯುವ ಬದಲು ಕರಾವಳಿ ಕರ್ನಾಟಕವೆಂದೇ ಹೆಚ್ಚು ಕರೆಯುವುದು. ಸುಂದರವಾದ ಕಡಲ ತೀರಗಳು,ಇಲ್ಲಿನ ದೇವಸ್ಥಾನಗಳು,ಆಹಾರ ಪದ್ಧತಿ,ಖಾದ್ಯಗಳು ಎಲ್ಲವೂ ವಿಶ್ವ ವಿಖ್ಯಾತಿ. ಈ ಸುಂದರ ಕರಾವಳಿ ಪ್ರದೇಶದ ಹೊಸಬೆಟ್ಟು ಎಂಬ ಸ್ಥಳದಲ್ಲಿ ಇಂದಿನ ಮುಂಜಾನೆಯ ಸಮಯವನ್ನು ಕಾಲೇಜಿನ ಸ್ನೇಹಿತರು,ನನ್ನ ಗುರುಗಳ ಜೊತೆಗೆ ಕಳೆದೆ! ಕಳೆದ 5 ದಿನಗಳಿಂದ ಕಾಲೇಜಿನಲ್ಲಿ ರಾಷ್ಟ್ರೀಯ ಸೇವಾ ಯೋಜನೆ(ಎನ್.ಎಸ್.ಎಸ್) ಕ್ಯಾಂಪ್ ನಡೆಯುತ್ತಿದೆ. ಇದರ ಅಂಗವಾಗಿ ಸ್ವಚ್ಛತಾ ಕಾರ್ಯಕ್ರಮವನ್ನು ಇಂದು ಎನ್.ಎಸ್.ಎಸ್ ಘಟಕ, ಸಹ್ಯಾದ್ರಿ ಇಂಜಿನಿಯರಿಂಗ್ ಮತ್ತು ಮ್ಯಾನೇಜ್‌ಮೆಂಟ್ ಕಾಲೇಜು ಹಾಗು ಸ್ವಚ್ಛ ಸುರತ್ಕಲ್ ತಂಡದ ಜಂಟಿ ಸಂಯೋಜನೆಯಲ್ಲಿ ಹೊಸಬೆಟ್ಟು ಕಡಲ ತೀರದಲ್ಲಿ ನಡೆಯಿತು. ಮುಂಜಾನೆ 6 ಗಂಟೆಗೆ ಕಾಲೇಜು ತಲುಪಿದ ನಾನು ಬಹಳ ಉತ್ಸುಕನಾಗಿದ್ದೆ. ಪರಿಸರವನ್ನು ಸ್ವಚ್ಛವಾಗಿಸುವ ಪುಣ್ಯ ಕಾರ್ಯ ಮಾಡಲು ಹೊರಟಿರುವ ಖುಷಿ! ಬೆಳಿಗ್ಗೆ 7 ಗಂಟೆಗೆ ಹೊಸಬೆಟ್ಟು ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆ ವಠಾರಕ್ಕೆ ತಲುಪಿದ ನಮ್ಮನ್ನು ಸ್ವಚ್ಛ ಸುರತ್ಕಲ್ ತಂಡದ ಸದಸ್ಯರು ಸ್ವಾಗತಿಸಿದರು. ನಮ್ಮ ಕಾಲೇಜಿನ ವಿದ್ಯಾರ್ಥಿಗಳ ಮೇಲೆ ಬಹಳ ಭರವಸೆಯನ್ನು ಹೊಂದಿದ್ದ ಅವರು ನಮಗೆ ಸೂಕ್ತ ಮಾರ್ಗದರ್ಶನ ನೀಡಿದರು. 200 ಜನ ವಿದ್ಯಾರ...